سه‌نته‌رێ ڕاهێنانا پێداگۆجى و په‌ره‌پێدانا ئه‌كادیمى ل زانكۆیا زاخۆ دێ رابیت ب ڤه‌كرنا خۆله‌كا نوى یا پێداگۆجى(راوه‌ندێ 17) ێ، بۆ هه‌لگرێن باوه‌رنامێن (ماسته‌ر و دكتورایێ) ئه‌وێن حه‌زا وه‌رگرتنا ناسناڤێ زانستى هه‌ین بۆ پشكداریكرنێ د خۆلێ دا. بۆ زانین ناڤ نڤێسین دێ ب رێکا لینکێ فۆرما ئەلکترۆنی بت ئەو لخوارێ دیار. هه‌ر ژ رۆژا ئێك شه‌مبى رێكه‌فتى 26/07/2026 پێشکێشکار دشێن خو توماربکەن.

تێبینی: ئەگەر پێشكێشكار ێ پسیارەکا گرنگ دەربارەی هەر خالەکا نە هاتبتە دیارکرن د مەرج و ڕێنمادا، ئەو دشێت
• پەیوەندیێ‌ ب ڤێ ژمارێ بكه‌ت (07518087366)، ل ڕۆژ و دەمێ کارکرنا فەرمی دا ..
• یان نامەکێ بۆ ئیمێلێ سەنتەری فریکەن (ptadc@uoz.edu.krd)

پێشکێشکرن ب ڕێکا ڤی لینکێ یە:
https://pedagogy.uoz.edu.krd.

به‌لـَگه‌نامێن پێدڤى
1. فه‌رمانا پێدانا باوه‌رناما ماسته‌ر ێ یان دكتورایێ، PDF.
2. بریارا یه‌كسانكرنا باوه‌رنامێ ژ لایێ وه‌زاره‌تا خواندنا بلند یا هه‌رێما كوردستانێ(بتنێ ئه‌گه‌ر پێشكێشكارى ژ ده‌رڤه‌ى وه‌لاتى خواندبیت). PDF.
3. په‌سه‌نده‌ك ژ وه‌زاره‌تا خواندنا بلند و ڤه‌كولینێن زانستى ئه‌گه‌ر باوه‌رنامه‌ لژێر پرۆسێسا یه‌كسانكرنێ بیت ( ئه‌گه‌ر پێشكێشكارى ژ ده‌رڤه‌ى وه‌لاتى خواندبیت). ). PDF
4. باوه‌رناما ده‌رچوونێ یا (بكالوریوسێ)، نمرێن هه‌رچوار سالاً هه‌روه‌سا تێكرایا نمرا ده‌رچوونێ تێدا دیارکریبن ئەگەر پێشکێشکار هەلگرێ باوه‌رناما ماسته‌ر ێ بت. PDF

1. باوه‌رناما ده‌رچوونێ (بكالوریوسێ)، نمرێن هه‌رچوار سالاً هه‌روه‌سا تێكرایا نمرا ده‌رچوونێ تێدا دیارکریبن . وباوه‌رناما (ماسته‌رێ)، نمرێن هه‌ردوو سالاً هه‌روه‌سا تێكرایا نمرا ده‌رچوونێ تێدا دیارکریبن. ئەگەر پێشکێشکار هەلگرێ باوه‌رناما دكتورایێ بت. PDF

1. باوه‌رناما ئاستێ زمانێ ئینگلیزى یا ره‌نگا وره‌نگ هاتبیته‌ په‌سه‌ندكرن ژ لایێ سه‌نته‌رێ زمانى ڤه‌. PDF
2. به‌رپه‌رێ ئێكێ یێ پاسپورتێ. PDF or images (JPG, PNG, WEBP).
3. پسۆلا ژمێریارى یا تێچووێن به‌شداریكرنێ د خۆلێ دا ( قستێ ئێكێ) بكۆژمێ (250000) هزار دیناران Images only (JPG, PNG, WEBP).
4. وێنه‌ێن کەسی ێن نوى ورەنگاورەنگ PDF or images (JPG, PNG, WEBP).
5. نڤیسارەکا فەرمی (لاری نەبوون) ژ جهێ کار ل دکەت. ئەگەر پێشكێشكار ( فەرمانبەرێ میلاک یان گڕێبەست) ل هەر دامودەزگەهەکێ حکوم یان تایبەت بت. PDF

مه‌رجێن به‌شداریكرنێ
مه‌رجێن پێشكێشكرنێ بۆ به‌شداریكرنێ د خۆلا پیداگۆجى دا دێ بڤى شێوێ لخوارێ بیت:
1. هه‌لـَگرێ باوه‌رناما (ماسته‌ر یان دكتوراه‌) ێ ئەکادیمی بیت ژ زانكۆیه‌كا باوه‌رپێكرى ب ڤی شێوێ لخوارێ دیار:
ئێک/ ئه‌گه‌ر پێشكێشكار ل زانكۆیه‌كا هه‌رێما كوردستانێ خواندنا خو تمام کربت، پێتڤیە فەرمانی زانکۆیی بۆ ده‌رچووبیت.
دوو/ ئه‌گه‌ر پێشكێشكار ل زانكۆیه‌كا ده‌رڤه‌ى وه‌لاتێ خواندبیت پێدڤى یه‌ بریارا یه‌كسانكرنا باوه‌رنامێ ژ وه‌زاره‌تا خواندنا بلند یا هه‌رێما كوردستانێ بۆ ده‌رچووبیت، ئه‌گه‌ر لژێر پرۆسێسێ بیت، پێدڤى یه‌ په‌سه‌نده‌كێ ژ (وه‌زاره‌تا خواندنا بلند و ڤه‌كولینێن زانستى / ڕێڤەبەریا یەکسانکرنا باوه‌رناما) بینیت، ئاراسته‌كرى بیت بۆ سه‌نته‌رێ مه. ئه‌گه‌ر نه‌ مافێ پشكداركرنێ نابیت.
بو زانیین/ تاوەکو بڕیارا یەکسانکرنێ دەرنەچێت ژ وەزارەتێ یان ئەگەر باوه‌رنامە ب باوه‌رناما ئەکادیمی نە هێتە هژمارتن، باوه‌رناما خۆلا ڕاهێنانا پێداگۆجی پێناهێتە دان.

1. سه‌باره‌ت ئاستێ شیانێت زمانێ ئینگلیزى:
‌أ / تاقیكرنێن نێوده‌وله‌تى یێن زمانێ ئینگلیزى: پێدڤیه‌ ئاستێ شیانێت زمانێ ئینگلیزى (5)ى (IELTS) هه‌بیت، یان نمره‌(59) ى (TOEFL-IBT) یان نمره‌(414)ى (TOEFL-PBT)، یان (52)ى (Person Academic-PTE) هه‌بیت لده‌مێ پێشكێشكرنێ.
ب/ یان باوه‌رناما ئاستێ (Intermediate) ژ سه‌نته‌رێ زمان ل زانكۆیا زاخو یان لهەر سه‌نته‌رەکێ زمانێ ئینگلیزى ل زانكۆیێن هه‌رێمێ بسه‌ركه‌فتیانه‌ بدویماهیك ئینابیت، ول تاقیكرنا دوماهیێ ده‌رچووبیت. پێدڤى یه‌ مورا سه‌نته‌رێ زمان لسەر باوه‌رنامێ هەبت به‌روڤاژى ڤێ چه‌ندێ مه‌رجێ به‌شداریكرنێ نابیت.
2. پێدڤیه‌ مێژوویا باوه‌رناما ئاستێ زمانێ ئینگلیزى بسه‌رڤه‌نه‌چوبیت. هه‌تا 3 ساڵان كار پێ دهێته‌كرن بمه‌رجه‌كێ ئه‌گه‌ر ژبەری (2) ساڵ ده‌ربازكربن،‌ پێشتر راست و دروستى (صحه‌صدور) بۆ باوه‌رنامێ ژ لایێ سه‌نته‌رێ زمانى ڤه ل ‌زانكۆیێ ئه‌نجام دابیت .

1. تێچووێن به‌شداریكرنێ د خۆلێ دا (500,000) پێنچ سه‌د هزار دینارن، ب دوو قستان د هێنه‌ دان، ‌قستێ ئێکێ لگەل تۆمارکرنا ناڤا ل سەنتەری و قستێ دووێ ژبەری بدوماهیک هاتنا خۆلێ.